Toulemoh’s Weblog

Desa Lemoh kampung halamanku

Foto Gethli Ludovika Natalia Polii (Germany)

Tadi malam nyaku on line di fb dan sudah dapat ijin ambil beberapa foto untuk up load ke blog. Nah berikut ini ada 3 foto yang nyaku ambil.

polii1

baptis

polii2

Maret 7, 2009 - Ditulis oleh toulemoh | Foto kiriman 2009 | , , , , , , , , , , , , , , , | & Komentar

& Komentar »

  1. E dodo e, Gepox. Tu di dlam kous kuning itu yang da baptis pe ade ato de pe kaka? Hehehe… Maar, ini ta pe komment ttg foto dengan kous kuning; foto itu bagus skali, cocok deng tema pregnant: ada hidup baru yang sedang datang bagai fajar baru di hari yang cerah. Hehehe. De pe ‘engkel’ bagus bukang saja karne dapa lia rupa da pake topi. Maar rupanya mengandung pesan: semoga dade nino yang masih di dalam puru itu boleh jadi ‘topi’ (bahkan, payung) ketika matahari-hidup so mulai somu-somu (sore). Qt nda mo bilang bahwa ta pe prediksi (tafsiran?) tepat, maar cuma mo bilang bahwa mungkin itulah yang dimaksud dengan ’suara yang nda ta bilang di mulu, cuma di gambar’.

    Salam dari (bakal luar negeri) Papua.

    Komentar oleh Zepto | Mei 9, 2009

  2. Kyapa baru muncul? dari kemaren2 kek..nanti sering2 ba tunjung ne, kal katu ada waktu noh. Gaga’ to itu foto pake kous kuning? Depe background, depe engkel, depe puru deng katu tu muka yang ada tatunjug situ, oi to? Itu hamil ade yang di atasnya ada babtis. Kemaren 12 Mei, bintang hatiku itu genap berusia 6 bulan. Tu yang kakak, The rainbow of love tgl 5 Mei genap berusia 19 bulan.

    Itu perumpamaan banya deng Mentari kang?
    Blum ada dia masih dalam proses, yang ada baru Rainbow of love dan bintang dari surga :)

    Kurang mo tunggu kapan bole mo bakudapa torang..

    Salam rindu, peluk dan cium for you my dear brother merangkap pa’ tua Zepto..

    Andreas, Gethli, Pelangi Cinta dan Diego Bintang
    ~Aus Deutschland~

    Komentar oleh Gethli | Mei 13, 2009

  3. Oo la la e … Dapa Banyak salam der Joe deng Deo. Dong ja tanya, kapan mo baku dapa deng Oom Andreas, Maade Gepo deng Pelangi deng Diego. Tiap kali qt baku dapa deng dorang, salalu Deo tanya, ada brita apa dang der Maade? Qt cuma bilang, Deo pe jam blajar Maade Gepo, Oom Andreas deng Pelangi+Diego pe jam tidor. Deo pe jam tidor, dorang pe jam kerja. Jadi supaya bole mo aku dapa, yaaa… blajar bae-bae kong pi ba hoba pa dorang di Jerman. Dia cuma bilang, “So itu, Deo mo jadi pilot!” (mo cari bintang dan pelangi di langit [dan di Jerman]). Hehehe… inspiratif juga anak itu, biar dia katu blum tal mangarti.
    Dapa inga, dulu dang waktu masi kacil, sama-sama deng Pa’ Niko deng Ma’ Oni, deng Petriks deng Steven torang pernah pi di Kobong Kalapa Lima kong ja haga-haga samua kobong deng ruma-ruma di bawah. Waktu pigi, agak mendung, maar serta so sampe, langit so cerah. Kong, makang ubi deng milu pake dabu-dabu di bawah langit biru, angin ba tiop pe sadap… Banya inspirasi ja muncul….
    Tantu, pengalaman2 yang inspiratif perlu skali voor anak-anak. Bagimana deng Pelangi+Diego???

    Salam maneiz n soen jao voor ngoni samua
    Zepto (deng Joe+Deo)

    Komentar oleh Zepto | Mei 28, 2009

  4. to: Zepto
    blh tanya nda…????
    Ini Zepto yang ROMO ORANG LEMOH????
    klu btl,,, pa kbr dang pastor… fine2 ja kan???

    Komentar oleh leo | Mei 28, 2009

  5. Halo juga samua… Iyo, so butul itu Leo. Qt pe pelayanan skarang di Papua (di bagian Kepala Burung, persisnya ‘bagian mata’ hehehe). Qt pe pa’ der Tinoor, ma’ der Lemoh (Jacomina ‘Nona’ Kaparang dari Kel. Kaparang-Mandagi, Oom Dion deng Tante Ade pe anak kadua). Dari darah, qt memang orang stenga-Lemoh; dari segi tampa tinggal, qt ley cuma sprampa-Lemoh; maar dari jiwa qt mrasa diri Lemoh-butul, da jadi basar di kusu-kusu di Kobong Sinogelan, dulu ja nae roda kong bajalang kaki lewat kuala… Dapa inga, (Juni taong 1980?) waktu pi kobong torang nae roda, kong tu roda ta tulengka’, Gethli (waktu itu umur k.l. 3 taong) ciri der roda, ta pe ma’ manangis ta hede-hede. Untung nda apa-apa.
    Hehehe… dapa inga doeloe-doeloe.

    Komentar oleh Zepto | Juni 4, 2009

  6. Kal taong 1980 tu roda nda tatulengka, jadi apa qt skrng??

    Komentar oleh Gethli | Juni 5, 2009

  7. Kal taong 1980 tu roda nda tatulengka, jadi apa qt skarang??

    Komentar oleh Gethli | Juni 5, 2009

  8. memang tu dulu2 lebe asik untuk di inga,,,,
    apalagi klu da sampe tulengka2 bagitu heheheh….

    Komentar oleh leo | Juni 8, 2009

  9. Gethli, kal roda nda ta tulengka’ na jadi apa skarang? Jadi apa kang? Eeee… ta so tau! Jadi orang yang nda bisa bacirita “pengalaman nae roda” pa Pelangi deng Diego. hehehe kwek kwekk kweekk…

    Komentar oleh Zepto | Juni 9, 2009

  10. Leo, Sorry ne, Leo yang mana kang? Posisi di mana skarang?

    Komentar oleh Zepto | Juni 9, 2009

  11. …Harga sebuah cerita…
    Musti kote ta tulengka dulu dang??

    Tulengka, tulengka, tulengka, tulengka, tulengka..So bole jo! :) )

    Komentar oleh Gethli | Juni 10, 2009

  12. hmmmm dapa ing dulu dulu kang.

    Komentar oleh toulemoh | Mei 29, 2009


Tinggalkan komentar

« Sebelumnya | Berikutnya »